ZAKAT AUR SADQAH E FITR ME FARQ

*ZAKAT AUR SADQAH E FITR ME FARQ*

⭕AAJ KA SAWAL NO.1382⭕

Kya yeh baat sahih hai ke jis par zakat wajib nahin us par sadqatul fitr bhi wajib nahin?

🔵JAWAB🔵

حامد و مصلیا و مسلما

Yeh baat sahih nahin. Ba'az log galati se yeh samajhte hain ke jis per Zakaat Farz nahin us per Sadqah e fitr bhi waajib nahi, halaan ke zakat aur sadqah e fitr ke wujoob me teen (3) farq hain. jis se ma'alum hota hai ke bahot se aise log bhi hain jin par zakat wajib nahin lekin Sadqah fitr wajib hai.

1. Bahut se logo per zakaat wajib nahin hoti magar sadqah e fitr waajib hota hai kyun ke sadqah e fitr ke nisab par saal pura hona zaruri nahin balke eid ki raat ko nisab jitne maal ka malik ho gaya to bhi sadqah e fitr wajib hai.

2. Zakat ke wajib hone ke liye maal ka tijarat-bechne ki niyyat se khareeda huwa hona zaruri hai, zarurat se zaid (ziyadah) aisa maal jo tijarati nahin uspar zakat wajib nahin, Albattah sadqah e fitr wajib hai sadqah e fitr ke wajib hone me zarurat se zaid tamam maal ko shumar karenge agarche woh maal bechne ki niyyat se na khareeda gaya ho.

3. Na-balig par zakat farz nahin lekin sadqah e fitr wajib hai, vaali ko chahiye us ke maal se ada kare agar apne maal me se bhi ada kare to ada ho jayega
Sahibe nisab baap ya wali-zimmedar par apni tamam na balig awlad ka sadqah e fitr wajib hai

📗MASAILE ZAKAT

و اللہ اعلم

✏IMRAN ISMAIL MEMON HANFI GUFIRA LAHOO

USTAZE DARUL ULOOM RAMPURA SURAT GUJRAT INDIA

📲Roman urdu me masail ke liye zaroor dekhe
👉🏻1⃣
www.aajkasawal.page.tl

Subscribe Our Channel
Www.youtube.com/IslamicGroup

Download Our Application
https://play.google.com/store/apps/details?id=com.islamic.group.kwsjhpvbkgbtlumfelua