KIN JANWARON KI QURBANI NA JAIZ

🐄 *KIN JANWARON KI QURBANI NA JAIZ🐐*

⭕AAJ KA SAWAL NO.1105⭕

Janwaron ke woh uyoob (khamiyan) kya hai jin se qurbani jaiz nahin hoti..??

♻AL JAWAB ♻

★ Qurbani ke janwaron ke uyoob, niche diye huve  janwaron ki Qurbani jaiz nahin.

1⃣. Jiska ek sing jad se ukhad gaya ho.

2⃣. Andhaa ho.

3⃣. Itna Kaanaa ho ke uska kaanaa pan ma'alum hota ho.

4⃣. Itna langda ho ke khud chal kar QurbanGaah tak na jaa sake.

5⃣. Itna bimaar ho ke uski bimari saaf taur par zaahir ho.

6⃣. Jiska kaan, Aankh, Punchh wagerah a'aza 1/3 (teesre hisse) se ziyadah kat gaya ho.

7⃣. Padaishi Daant na ho, ya aksar daant gir gaye ho ke ghaas-chaara na kha sakta ho.

8⃣. Aisa paagal ho ke ghaas-chaara na kha sakta ho.

9⃣. Khujli wala janwar jo bahot dubla aur kamzor ho gaya ho.

🔟. Jiska Aanchal sukh gaya ho ya cut gaya ho ya 1/3 se ziyadah cut gaya ho.

1⃣1⃣. Bakri, Ghenti-dumbi ke 1 Aanchal ka siraa na ho, chahe cut gaya ho ya kisi aur wajah se na ho.

1⃣2⃣. Jis Gaay, Untni ke Aanchal ki 2 sirey khatm ho gayi ho.

1⃣3⃣. Aisa janwar jiska khaana NaaPaki aur Gandki ho.

1⃣4⃣. Jis gaay ya bhensh ki zuban puri ya 1/3 se ziyadah cut gayi ho.

1⃣5⃣. Itna kamzor ya dubla janwar jiski haddi ka gooda baaqi na raha ho.

1⃣6⃣. Khunsa-hijdaa jis me Nar aur Maada dono ki sharmgah ho.

📗masaile qurbani m.rafat

📘khulasatul  fatawa 4/320

📕fatawa raheemiyah 3/383

✏ mufti IMRAN ISMAIL MEMON HANFI GUFIRA LAHOO
MUDARRISE DARUL ULOOM, RAMPURA, SURAT, GUJRAT, INDIA.

💻Roman urdu me masail ke liye zaroor dekhe👇

Www.aajkasawal.page.tl

Subscribe Our Youtube Channel
Www.youtube.com/BayanatPost

Download Our Android App
https://play.google.com/store/apps/details?id=com.islam.group