ZAKAT KE GAIR MUSTAHIQEEN

*ZAKAT KE GAIR MUSTAHIQEEN*

⭕ AAJ KA SAWAL NO.1015 ⭕

Zakat kin kin ko nahi de sakte?

🔵 JAWAB 🔵

in logon ko zakaat dena jaiz nahi.

1. Apne baap, dada, dadi, par dada, par dadi.. upar tak

2. apni maa, nana, nani, par nana, par nani... upar tak

3. apne haqeeqee ladke, pote, potiyan, Par pote, par potiyan.. niche tak

4. apni haqeeqi ladki,nawase, nawasiyan,par nawase, par nawasiyan.. niche tak

5. shohar ka apni biwiko zakat dena iseetarah biwi Ka apne shohar ko zakat dena jaiz nahi

6. aysi talaq shudah awrat jo iddat guzar rahi ho us ke shohar ka us ko zakat dena na jaiz hai

7. maaldar sahibe nisab ki muhtaaj nabalig awlad ko

8. jo awrat bewa malike nisab hai us ko aur Us ke na balig bachche ko

9. madrasah Ke ustaz ko aur masjid Ke imam ko zakat ke rupiye se tankhaa dena na jaiz hai

10. Huzoor SALALLAHU ALAIHI WASALLAM ke khandan walon ko zakar jo ke hamare malon ka mel hai dena Jaiz nahi agar woh gareeb hai to zakat ke alawaa Ka rupiya den

11. maaldar malike nisab ko

12. zakat Ka rupiya masjid ki, madrasah ki, khanqah ki, musafir khane ki, yateem khane ki, school ki, aam raston ki tameer me, kunwe, boring aur nahron ki khudai Me dena Jaiz nahi.

13. zakar ke rupiye se kafan khareedna, qabarsatan ki zameen khareedna na Jaiz hai

14. woh tamam surten Jis me mustahiq ko bila aewaz bila shart hamesha ke liye malik banana paya nahi jata wahan zakat dene se zakat ada na hogi

📕masaile zakat (rafat) safa 285,286 se makhooz kai urdu fatawon ke hawalon ke sath

📝 Mufti Imran Ismail Memon.

🕌 Ustaze Darul Uloom Rampura,Surat, Gujarat,india

📱💻http://www.aajkasawal.page.tl

https://play.google.com/store/apps/details?id=com.islam.group