Rozah kin chizon se faasid ho jata hai?*

⭕AAJ KA SAWAL NO.1353⭕

*Rozah kin chizon se faasid ho jata hai?*

🔵 AAJ KA JAWAB🔵

حامدا و مصلیا و مسلما

Wo Chizen Jinse Rozah Faasid Ho jata hai woh niche likhi gayi hain

1- Kaan aur Naak me dawa dalna.

2- Qasdan (Jaanbujh kar) moonh bharkar qai-vomit karna ya moonh bharkar aane ke baad kuchh hissah qasadan (jaanbujh kar) lauta Lena.

3- Kulli karte huve halaq me paani ka chalaa Jana,(us waqt Roza bhi yaad ho)

4- Aurat ko chhoone aur bosah lene se inzaal ho Jana-mani nikal jana.

5- Lobaan ya agarbatti ka dhunwa qasadan naak ya halaq me pahunchana

6- Bidi, cigarette ,huqqah pina

7- Bhool kar khaa pee liya aur khayal kiya k isse Roza toot gaya hoga, fir qasadan kha, pee liya

8- Raat samajhkar subah sadiq ke baad Sahri kha Lena,

9- Din Baaqi tha magar galaty se yeh samajha k Aaftaab guroob ho gaya hai, iftaar kar liya-kisi taqweem ya app me dekhkar waqt hote hi iftar kar liya baad me pata chala ghadi aage thi aur suraj guroob hone me 2 minutes baaqi thi.(akabireen ke mamool ke khilaf is se bilkul time par iftar karne ki baat karnewale ibrat le)

10 - Koi aisi cheez nigal Jana Jo Aadtan khayi nahi jati, Jaise ke lakdi, loha, kachcha gehu ka daana vagera

11- Baaf (steam, bhaanp) lena,

*PART 2*ISE KAL

12- Mushtzani (haath se mani nikalna)

13- damah (asthma) ke mareez ka inhellar pump isteamal karna.

14- munh me paan-gutkha daba kar so jana yahaan tak ke subah sadiq ho jaye.

15- naksir fute aur naak ka khun halaq me chala jaye.

16- dant-masoodon ka khun agar itna ziyadah ho ke woh thuk par gaalib aa jaaye ya'ani thuk ko laal kar de ya thuk ke baraabar-saraabar ho jaye aur woh thuk pet me chala jaye agar thuk me khun kam ho ya'ani khun ka mazah halaq me ma'alum na ho to rozah fasid na hoga

17- enema lena ya'ani pet ki safai ke liye pichhe ke raste se dawai charhaana

18- mard ki peshab ki nali me koi dawai dali jaye aur woh masaane tak pahonch jaye. Agar masane tak na pahonche to rozah faasid nahi hoga

19- aurat ka apni sharmgah me koi dawai dalna

20- aurat ki sharmgah me doctorni ka chekap ke liye bhigahuwa ya dawai wala haath ya mashin dalna agar haath ya machine par dawa na ho to rozah faasid na hoga

21- danton me gosht ka resha, supari wagairah ka tukda atka huwa tha aur use se munh se baahar nikale bagair zuban ya khila se nikalkar munh ke andar hi andar nigal liya ya khud bakhud halaq me chala gaya to dekhi agar woh cheez chane ki miqdar se ziyadah hai ya chane ke barabar hai to rozah faasid ho gaya agar chane se kam hai to fasid nahin huva agar munh se bahar nikala fir nigal gaya to har hal me rozah faasid hoga chahe chane ke baraabar ho ya us se bhi kam ho

Kitabul masail 2/ safa 85 se 91

masaile rozah safa 63,64

و اللہ اعلم

📝 Mufti Imran Ismail Memon.

🕌 Ustaze Darul Uloom Rampura,Surat, Gujarat,india

📱💻
http://www.aajkasawal.page.tl

Subscribe Our Channel
Www.youtube.com/IslamicGroup

Download Our Application
https://play.google.com/store/apps/details?id=com.islamic.group.kwsjhpvbkgbtlumfelua