JANAZAH UTHANE KA SHARAEE TAREEQAH

JANAZAH UTHANE KA SHARAEE TAREEQAH

⭕AAJ KA SAWAL NO.616⭕

Janazah bachche ka ya bade ka ho us ke uthane ka pura sharaee tareeqah kiya hai ?

🔵JAWAB🔵

Janaza le jane ka masnoon tareeqah,-1,
         
Agar Mayyat Sheerkhwar (doodh peeta) Bachche ya usse kuchh bada ho to logo ko chahiye ke use Dast ba Dast le jaye, ya'ani ek Aadmi usko apne dono haatho per uthaye, fir usse doosra Aadmi le le, isi tarah badalte hue le jaye,

📗 Bahishti Gohar

✿ Aur agar Mayyat Badi umr ke (Mard ya Aurat) ho to usko kisi chaar paayi (ya Gahwaara-zule me) vagairah per litaa kar le jaye, Sarhana aage rakhe, aur uske Charo paayo ko ek ek Aadmi uthaye, Mayyat ki chaar paayi haatho se uthakar kandho per rakhna chahiye,

⇛Haatho se uthaye bager maal v asbaab ki tarah gardan per laadna makrooh hai, peeth per laadna bhi makrooh hai, isi tarah bila uzr iska kisi jaanwar ya gaadi vagairah per rakh kar le Jana bhi makrooh he, aur uzr ho to bilaa karahat jaa’iz hai, Maslan Qabristan bahut door ho,

📘Bahishti Gohar ma’a hashiya,

✿ Janaze ko do patiyo (lakadiyo’n) ke darmiyan is tarah uthaana bhi makrooh hai ke do do Aadmiyo’n ne utha rakha ho, ek ne aage se doosre ne pichhe se, jaise bhaari saamaan kheencha jata he,

⇛ Haan, majburi me muzahiqah nahin, Masalan raasta itna tang ho k chaar Aadmi sunnat ke mutabiq uthaa kar na guzar sake

📕Aalamgiri,

✿ Janaza ko uthane ka mustahab Tareeqah yeh hai ke pehle Mayyat ke daahini taraf ka agla paya apne Daahine kandhe per rakh kar kam se kam 10 qadam chale, uske baad usi taraf ka pichhla paya apne Daahine kandhe per rakh kar kam se kam 10 qadam chale,

⇛Iske baad Mayyat ke Baayi taraf ka agla paya apne baaye kandhe per rakh kar, fir pichhla paya apne kandhe per rakh kar kam se kam 10-10  qadam chale, taaki Charo payo ko mila kar 40 qadam ho jaye, Hadees Sharif me Janaza ko kam se kam 40 qadam tak kandha dene ki badi fazilat hai,

📗Bahishti Gohar, Durre Mukhtar, Shaami,

📘 Ahkaam maiyyit 57

Next -26 ©ontinue in sha Allah,

✏HAQ KA DAYEE ANSAR AHMAD

✅IMRAN ISMAIL MEMON GUFIRA LAHOO

USTAZE DARUL ULOOM RAMPURA SURAT GUJRAT INDIA

📲Roman urdu me masail ke liye zaroor dekhe

www.aajkasawal.page.tl

💻Hamare Sabhi Sawal jawab Aur Bhi baht kuch Message pane Ke liye slamic Group Application download Kre.. 👇🏿

https://play.google.com/store/apps/details?id=com.islam.group