Islami naye saal ke kuchh a'amaal hain?

⭕AAJ KA SAWAL NO. 798⭕

Islami naye saal ke kuchh a'amaal hain?

Masalan naye saal ke pehle din khas rozah rakhna,sona chandi khareedna, khushi manana wagairah islam ki is baare me kya ta'alim hai?

🔵Jawab🔵

Islam me gairon ki tarah din Aur saal manane ki ta'alim nahin hai. aur is ke kuchh makhsoos ahkam bhi sarahatan(saaf saaf) nahin diye hain albattah usoolan saal ke aakhari din aakhiri jumaa me taubah aur istigfar kar sakte hain.aur naya saal khair afiyat ke saath jaaye us ke liye duaa ke mukhtalif kalimat keh sakte hain.

Is din rozah rakhne ki koi khas fazeelat manqool nahin hai albattah sunnat wa shareeat samjhe bagair rozah rakhna chahe to rakh sakta hai rozah ka jo sawab hai woh milega.

Albattah islami chand ki tareekh ka istiamal karna chahiye is ki maloomat rakhna farze kifayah hai agar pure shahar aur gaanv me is ka istiamal sab chhod denge ek bhi admi ko pataa nahin hoga to sab gunehgar hai. isee tarah islami maheeno ke naam bhi khud yaad karna chahiye aur apne bachchon ko bhi yaad karana chahiye. aur yeh yaad rahe ke isliye islami tareekh ko bhi karobar me,khatto kitabat,shaadi biyah wagairah aham program me istiamal kare us ke Calender  chhapakar iis islami shaair (islami alaamaat) wa pahechan ko aam karna us ki hifazat aur riwaj aur taraqqee dena ummat ke aham faraiz me se hai.

📗MAARIFUL QURAN IDRISI 1/380 SE MAKHOOZ IZAFE KE SATH
Ashorah ke roze ke fszail hai jiski maloomat 7 muharram ko bheji jayegi INSHA ALLAH انشاء اللہ

🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳
*EKTA WA SHAANTI SAMMELAN*
*JAMIATE ULAMA E HIND SURAT KA PROGRAM*
*TAARIKH 2 OCT. BAROZ ITWAR*
*PATAA RANG UPVAN HALL GAANDHI BAAG KE PAAS CHOWK BAZAAR SURAT*
*TIME SUBAH 10:00 BAJE*

*JISME SABHI MAZHAB AUR FIRKE KE RAHNUMA APNA AMAN VA EKTA KA PAIGAAM SUNAYENGE*

*HAR MAZHAB KE AUR HAR FIRKE KE SABHI LOGO SE AAJIZANA GUZARISH HAI KE TASHRIF LAA KAR MASHKOOR FARMAEN*

📝 Mufti Imran Ismail Memon.

🕌 Ustaze Darul Uloom Rampura, Surat, Gujarat, India.

📱💻
https://play.google.com/store/apps/details?id=com.islam.group