HISSAH KI QURBANI KA GOSHT TAQSIM KARNA

🔹HISSAH KI QURBANI KA GOSHT TAQSIM KARNA
🔹ZABAH KARTE WAQT NAAM LENA
🔹QURBANI KE WAQT JANWAR ME AIB PAIDA HONA

⭕AAJ KA SAWAL NO.782⭕

Kuchh aadmiyo ne milkar 1 bade janwar me hisse liye hen to gosht taqsim kaise karenge ??? 

🔵Jawab🔵

Agar woh (hissedaar) aapas me ajnabi hain aur sab apna pura pura hissah chahte hain to sab ko tol kar baraabar dena zaruri hai, (andaze se kam ziyadah dena jaaiz nahin hai) aur agar aapas me ek dusre ko ijazat di hai ya sab ghar wale hi hain to is ihtamaam ki zarurat nahin hai, Ya'ani sab ka alag alag baraabar hissah karna zaruri nahin hai.

🔴Sawal🔴

Bade janwar me sab hisse daar mutayyan hain to zabah karte waqt sab ka naam lena zaruri hai ?? 

🔵Jawab🔵

Hisse daar mutayyan ho chuke to zabah ke waqt har ek ka naam lena zaruri nahin,behtar isliye sirf zabah karne se sab ki qurbani saheeh ho jayegi.

📚Mustafad, kitabul masail 2,235

🔴Sawal🔴

Janwar saheeh tha lekin qurbani ke waqt uchhal kud me us me koi aib paida ho gaya masalan aankh nikal gai,zakham aa gaya wagairah to kya hukm hai ??

🔵Jawab🔵

Jo janwar pehle se saheeh saalim tha lekin qurbani ke liye koshish karte waqt uchhal kud me aib ho gaya to us ki qurbani me koi haraj nahin hai qurbani durust hai (maaldaar, garib sab ke liye)

📚Kitabul masail 2/240

📲http://www.aajkasawal.page.tl

🔵NOTE🔴

Abhi tak post huwe sawal aur jawab me se bahot se masail guzishta saal hazrat maulana ibrahim alyani sahab (surat) ne likhe huwe hai. Allah paak unki khidmaat ko qubul farma kar daarein me behtreen badalah ataa farmaen.

📝 Imran Ismail Memon.

🕌 Ustaze Darul Uloom Rampura, Surat, Gujarat, India.

📱💻
https://play.google.com/store/apps/details?id=com.islam.group