HAJI KO QURBANI BANK KE WAASTE SE KARANE KA HUKM

HAJI KO QURBANI BANK KE WAASTE SE KARANE KA HUKM

⭕AAJ KA EXTRA SAWAL NO. 778⭕

Saudi hukoomat bank ke ziriye qurbani ka intizam karti hai us ki kya haqeeqat hai un ke zariye qurbani karani chahiye ya nahi?

🔵JAWAB🔵

saudi hukoomat ne qurbani ke intezam aur uske gosht ko bahifazat mustahqeen tak pahuchane ke liye baaqaidah ek idara bana diya hai aur nizam ye hai ke qurbani ke tokan bank ke zariye se farokhat kiye jatey hai, aur haji token kharid kar mazkoora idara ko apni qurbani ka vakeel bana dete hai, ab na to khud haji ko zabah karney ka ikhtiyar hota hai aur nahi iskey samney zabah ki koi itminan bakhs shakal nikalti hai, balkey mazkoorah idara apney hisab se barabar qurbani ka amal anjam deta rehta hai, ab is shakal me wajib tartib yani rami ke baad aur halaq se pehle hi qurbani hone ka lihaz rakhna to bilkul na mumkeen hai.idara ki taraf se qurbani ki dino aur takbeere tashreek ke dino bad tak bhi hajj ki qurbaniyo ko zabah karney ka silsila jari rehta hai,isee wajha se khas taur par hanfi hujjaj ko mashwara diya jata hai ki wo qurbani ke token kharidney ki bajaye ya to khud qurbangah jakar apni qurbani karey jiska intezam muhalley *Al sharaaia* ke azeem *suqul mawashi* aur makka muazzama ke muhalley *kaakiyah* ke salaughter house me kiya gaya hai. Aur taxi ke zariye waha pahucha ja sakta hai.Aur agar khud na ja saktey ho to apney ma'atabar dosto aur jankaro ke zariye se qurbani karaye. Aur bank ki token par bharosa na karey,ehtiyat ka taqaza yahi hai.

*Note* Albatta agar koi shakhs esa ho ke na to khud qurbaangah ja sakta ho aur nahi iskey pass qurbani karne ka koi zariya ho to wo majbooran bank ka token kharid sakta hai.Is majboori ki wajah se uske liye tino imam-imam shafee,imam malik ,imam ahmad r.a.aur sahibain r.s.ki rai apnane ki ijajat hogi, aur is par tarteeb chhodne ki wajah se dame jinayat lazim na hoga.

📗 KITABUN NAWAZIL 14/333 MUSTAFAD TAJWIZE CHHATHTHA FIQHI IJTIMA AL MABAHISUL FIQHIYYAH JAMIATE ULAMA E HIND DAR HAJ WA ZIYARAT NO 223

📝 Imran Ismail Memon.

🕌 Ustaze Darul Uloom Rampura, Surat, Gujarat, India.