RASAMI ISTIQBAL KI KHARABIYAN

⭕AAJ KA SAWAL NO.792⭕

RASAMI ISTIQBAL KI KHARABIYAN

Haajiyon ke rasami [riwaji] istiqabal ki kharabiyan tafseel se bataiye.

🔵JAWAB 🔵

Hazrat qari saeed ahmed sahib mufti e aazam mazahirul uloom saharanpuri rh. Likhte hai ke isme chand kharabiyan paida ho gayi hai.

1. khud aksar haajio ko bhi apne istiqbal ka had se ziyada aehtamam hota hai, aur pehle se intizam kiya jata hai, jis qadr ho sake majmaa ziyada ho ke haji sahab ki shan aur azmat zaahir ho, phone par phone kiye jate hai, khaas hidayat di jati hai, jiska mansha riyaa aur fakhr hota hai, riyaa aur fakhr se saaraa sawab zayea ho jata hai.

2. istiqbal aur saath lane wale apne shauq aur jazbate mohabbat se ya apni bewaqufi, jahalat aur behisee se is qadr aape se baahar ho jate hai ke unko dusre ki taklif aur aziyyat ki bilkul parwah nahi rehti, khub dhakkam dhakka hoti hai, baaz logo ko chot bhi lag jati hai, logon ko malum hona chahiye ke istiqbal aur saath lana ziyada se ziyada mandoob [mustahab] hai, aur muslamano ko taklif dena haram hai, is mandoob kaam ki wajah se haraam ka irtekab karna ahle aql ke liye mumkin nahi, aur aise mauqo par samajh se kaam lena chahiye, na khud bila wajah taklif uthaao na dusron ko taklif pohcha kar gunaah kamaao.

3. baaz jagah aurten bhi station par jakar itiqbal karti hai, mard aur aurat ka mel-jol aur be pardagee aur bahot si buri rusumaat paaye jane ki wajah se aesa istiqbal chhodne ke qaabil hai.

4.baaz jagah hajiyon ka juloos nikala jata hai, usme baaiaa [music] bhi hota hai, baaz dafa haaji ki tabiyat kamzor hone ki wajah se ya bimari ki wajah e mulaqat ki kasrat aur masafah se taklif hoti hai, magar log nahi maante, aise waqt sirf majme ki shirkat kaafi hai, kyun ke aise waqt musafaha aur muaanqah karna aur fir do teen baar karna sakht taklif ka baais hota hai, agar haaji bechara sharm ki wajah se uska izhar na karey lekin tum ko khud sochna chahiye ye kaam raahat pohchane wala hai ya taklif…!!

📕FATAWA RAHEEMIYYAH

📘MUALLIMUL HUJJAAJ SE MAKHOOZ

📝 Mufti Imran Ismail Memon

🕌 Ustaze Darul Uloom Rampura,Surat Gujarat India

💻Aaj Ka Sawal,Aaj ki Achchi Baat, Qur'an,Hadith in Hindi & Eng,Islamic Group Ke Sabhi deenee Text & Image Ke Liye Islamic Group Application download Kare..
https://play.google.com/store/apps/details?id=com.islam.group