🏏CRICKET KHELNA

🏏CRICKET KHELNA ⭕AAJ KA SAWAL NO.652 ⭕

Cricket aur  khelne Ka kya hukm hai is se warzish bhi hoti hai ?

🔵JAWAB🔵

حامدا و مصلیا و مسلما

cricket khelne me hasabe zail kharabiyan hain.

1.is me khelnewale ke jism ko sakht nuqsan pahonchta hai bazon tangen tootna aur bazon ke sar ya pet me chot lagne se mot ke munh tak pahonch jana ham ne khud dekha hai.
2. aane janewalon ko chalne aur gaadi chalane raaste par khelne ki wajha se guzarne me taklif hona koi insan balke koi haiwan bhi itminan se guzar nahi sakta

3. aane jaanewali gadiyon ko aur khelne walon ko accident ki wajha se jaan jane ya chot aane ka khatrah

4. aane jaane walon aur aaju-baju ke logon ko ball ya bat se chot lagne ka khatrah balke baz ki aankhen futne aur bazon ke chehre badalne ke waqiaat bhi pesh aate rahte hain

5. padosiyon ke gharon ke shishe ya khidkiyan toot jana.

6. out hone na hone me jooth, jhagde, dili ranjish, kina, dushmani adawat wagairah gunah me mubtala hona

7. agar haar jit ki shart lagai jaye to juwe ka gunah.

8. Inaam dene wali tesree party ya jamat ho to agar us ka zati paisa hai to fuzool kharchi aur haraam kaam me spot karne ka gunah agar qaum ka paisa hai to amanat me khiyanat karne aur dusre mustahiqeen ka haq marne ka bhi gunah.

9.khel ki mashguli ki wajha se farz Namaz ya us ki jamaat chhodna

👉🏻Rahi baat warzish-kasrat ki to is me warzish ke matlab par tamashe ka matlab galib-barha huwa hai.us ki daleelen.

1.kisi warzish ko puri dunya me koi khel nahi kehta pahelwan warzish karte hain,doctor mukhtalif bimariyon ke liye warzishen batate hain koi bhi us ko khel nahi kehta gend aur fut ball ko koi bhi warzish nahi kehta balke khel kehte hain.
2.warzish ko dekhne ke liye dusre log jama nahi hote koi ek admi chala gaya to alag baat hai.

3.cricket,fut baal wagaieah ke muqabalah ko dikhane ke liye log tv par ghanton bethe rehte hain kisi warzish ko dikhane ke liye kisi hukoomat me kisi mulk me koi intizam nahi.

4.warzish me koi aesa mashgool nahi hota ke zaroorat se zaid karta hi chala jaye waqt mutayyan hota hai aadha ghanta,ghanta jab waqt guzar jata hai to shauq nahi rehta is shaitani dhandhe ka haal ye hai ke agar shurooa kiya to hosh nahi rehta khelte hi chale jate hain maloom huwa ke ye warzish nahi balke khel tamasha hai

📗 AHSANUL FATAWA 8/258 SE 261
aur
📘MAHMOODUL FATAWA 4/811 SE 813 SE MAKHOOZ IZAFE KE SATH.
و اللہ اعلم

✏IMRAN ISMAIL MEMON HANFI GUFIRA LAHOO

🕌USTAZE DARUL ULOOM RAMPURA SURAT GUJRAT INDIA